អ្វីដែលលំបាកនោះក្នុងរបបកសិកម្មរបស់ប្រជាពលរដ្ឋ ធ្វើ ស្រូវ និង បន្លែអាស្រ័យលើទឹកនិងផ្លូវចូលបានប្រសើរ។តែបញ្ហា លំបាកបំផុតនោះ គឺផ្លូវចូល ក្រហេក ក្រហុក ហើយទឹកព្រែក ត្រវ រីង ខ្វះទឹកស្រោចស្រពដំណាំ សង្ឃឹមទឹកព្រែកបូម ដាក់អណ្តងត្រូវព្រែករីងស្ងួតអត់ទឹកទៀត។
លោកស្បោង សុកាន់ និង ភរិយាប្រកបរបរកសិកម្ម ដាំដំណាំគ្រប់ប្រភេទ។អ្វីជាចម្បងនោះ ទោះបីធ្វើដំណាំបានផលតិច ទីផ្សារឡើងចុះក្តី លោកមិនបាក់ទឹកចិត្តដែរ អ្វីដែរសំខាន់គឺចង់ឲ្យរដ្ឌអំណាច ភូមិ ឃុំ ចុះសួរសុខទុក្ខពីការធ្វើរបរកសិកម្មតែប៉ុណ្ណោះ។
អ្នកស្រីគឹមសល់ អាយុ 43 ឆ្នាំរស់នៅ ស្រុកកងមាស ឃុំព្រែកកុយ ខេត្តកំពង់ចាម បានប្រាប់ថាខ្ញុំធ្វើកសិកម្ម មានផ្ទៃដីចំនួន 1ហត្ថ សម្រាប់ដាំម្ទេស ននោង ដូង ត្រសក់ ល្ហុង ដាំខួបប្រាំង ខួបវស្សា។ទោះបីដំណាំចុះថោកយ៉ាងណាក្តីយើងមិនបាក់ទឹកចិត្តទេយើងនៅតែប្រកបរបរនេះ។
ទោះបីបន្លែឡើងចុះមិនកំណត់នៅលើទីផ្សារកសិករស្បោងសុកាន់ជាប្ដីមានអាយុ 45 ឆ្នាំបានបន្តថា ដោយឡែកខ្ញុំវិញមិនដែលបាក់ទឹកចិត្តទេនៅតែប្រកបមុខរបរនេះដដែល ទោះបីបានតិចក៏ដោយ ហើយអ្វីដែលសំខាន់ខ្ញុំនៅតែបន្តដាំតទៅទៀត។
លោកបញ្ជាក់បន្ថែមថាអ្វីដែលលំបាកសម្រាប់កសិករយើង ធ្វើ របរកសិកម្មនេះគឺបញ្ហាផ្លូវចូលចំការព្រោះពេលខែទឹកឡើងម្ដងៗត្រូវលិចលង់ជន់ពេញផ្លូវ។ក្នុងការមកមើលដំណាំ។
ដូច្នេះលោកសុកាន់ មានតែសំណូមពរទៅដល់រដ្ឋអំណាច ភូមិ ឃុំ សូមជួយដោះស្រាយជុំវិញរឿងធ្វើផ្លូវ គឺជួយលើកទឹកចិត្តនិង អប់រំ ដល់ប្រជាពលរដ្ឋការធ្វើកសិកម្ម។លីតា
